Կաննի միջազգային կինոփառատոնում «Ոսկե արմավենու ճյուղ» մրցանակի այս տարվա դափնեկիր Չուն Հո Պոնի «Մակաբույծը» (Հարավային Կորեա) կինոնկարի ցուցադրմամբ այսօր կտրվի 16-րդ «Ոսկե ծիրան» միջազգային կինոփառատոնի մեկնարկը: Մինչ այդ Շառլ Ազնավուրի հրապարակում կկայանա հոբելյանական պատվո աստղերի տեղադրում՝ ի մեծարումն կինոռեժիսորներ Բագրատ Հովհաննիսյանի, Արման Մանարյանի, և Գենադի Մելքոնյանի, որին կհաջորդի Կ. Դեմիրճյանի անվան մարզահամերգային համալիրում կարմիր գորգի և բացման արարողությունը: