Աշխարհով մեկ հարցման ենթարկված հոգեբանները պատմել են, թե ինչպես լինել երջանիկ՝ հաղորդում է ՌԻԱ Նովոստի-ն։ Նշվում է, որ երջանիկ լինելու համար անհրաժեշտ է սովորել պահպանել կյանքի հեշտ ու բարդ ասպեկտների միջև եղած հաշվեկշիռը։ Բացի այդ երջանկությունը չի կարելի վերածել ինքնանպատակի։ Փիլիսոփայության ու հոգեբանության դոկտոր Կալատիի խոսքերով պիտի ընդունել, որ մենք ունակ չենք ամեն ինչ փոխել մեր կյանքում ու պիտի ձգտել դրական դիրքերից վերաբերվել շրջապատող աշխարհին։ Մեկ այլ հոգեբանի կարծիքով երջանիկ լինելու համար մարդը կյանքում պիտի ունենա որոշ գերակայություններ ու պիտի գիտակցի, թե ինչպիսին կուզենար լինել ապագայում։