Թե նյութի վերնագիրը ո՛ր հանրահայտ գրական գործից է և ի՛նչ հերոսի կապակցությամբ, թողնենք դասական գրականությանը քաջածանոթ ընթերցողի իմանալիքին, բայց որ մեր Թ․․․-ն (թո~ւ, քիչ էր մնում լեզվի սայթաքում ունենայինք) ջանում է ամենուրեք երևալու իր մոլեռանդ ձգտմամբ իրեն մոռացության տալուց խուսափել,փաստ է։ Անհանգստացնողը սակայն նրա խտրական վերաբերմունքն է այն նույն կոնտիգենտի նկատմամբ, որի հետ պատկերված է լուսանկարում։ Պարոն ՀՀ նախագահի պաշտոնը զբաղեցնող, ուրեմն եթե երեխան երևանցի չէ ու սյունեցի է, նա բերանի համ չունի՞, չգիտի՞ ինչ բան է մառոժնին կամ բարբիքյուն։ Չի կարելի, չէ՞, երկակի ստանդարտներով ապրել։

Իսկ նկարը ՀՀ նախագահի աշխատակազմի հասարակայնության հետ կապերի և տեղեկատվության ծառայության ջանադրությամբ է հայտնվել ֆեյսբուքում, այն էլ հետևյալ հուզիչ մակագրությամբ. «Ագարակ, Սյունիքի մարզ 05 հուլիս, 2019թ»:

Այս մակագրության կապակցությամբ էլ բան կասեինք՝ Ծապլվարն ու Ծապլվարում գործունեություն ծավալած հերոսի հիշեցումով, բայց թե բավարարվենք այսքանով։