Ռուս կինոռեժիսոր Անդրեյ Կոնչալովսկին ասել է, որ հաճելիորեն զարմացած է Հռոմի պապին Վլադիմիր Պուտինի արած նվերից։ Ռուսաստանի առաջնորդի մատուցած նվերների մեջ եղել է կինոռեժիսորի «Մեղք» կինոնկարը․ «Ես այդ մասին չգիտեի, սակայն ինձ համար անչափ հաճելի է։ Բանն այն է, որ ինձնից խնդրել էին մի երկու պատճեն անել, դա արդեն վաղուց էր։ Ես տվել եմ այդ պատճենները, սակայն չեմ իմացել, որ դա Պապի համար նախատեսված նվեր է»։ Հիշեցնենք, որ Հռոմի պապի հետ Պուտինի հանդիպումն եղել է հուլիսի 4-ին, Վատիկնում։