Գերմանական Քյոլն քաղաքում կայացած բռնցքամարտի աշխարհի գավաթի խաղարկությունում Հայաստանի հավաքականը նվաճել է երկու մեդալ: 51 կգ քաշային Անուշ Գրիգորյանը եզրափակչում հաղթել է Իռլանդիայի ներկայացուցչին ու արժանացել խաղարկության ոսկուն: Փոքր-ինչ համեստ է եղել 49 կգ քաշային կարգում հանդես եկած Արթուր Հովհաննիսյանի ձեռքբերումը: Նա եզրափակչում պարտություն է կրել ու տիրացել արծաթե մեդալի, ինչը նույնպես անառարկելի նվաճում պիտի համարել: Մեր բռնցքամարտիկները հանդես են եկել հավաքականի գլխավոր մարզիչ Ռուդիկ Մկրտչյանի և երկրորդ մարզիչ Վահան Ադիլխանյանի գլխավորությամբ: