Բաթումում ավարտված ծանրամարտի Եվրոպայի առաջնության վերջին օրը դրամատիկ ընթացք ունեցավ մեր ընտրանու համար: Վնասվածքով հանդես եկող Գոռ Մինասյանը թեպետ կարողացավ առաջին վարժությունում բրոնզե մեդալ նվաճել, սակայն վնասվածքը թույլ չտվեց ամբողջապես դրսևորվել երկրորդ վարժությունում ու մրցելույթն ավարտեց արդյունքով։ Սա ավելի քան փայլուն հնարավորություն էր Վրաստանի երկրորդ ներկայացուցչի՝ Իրակլի Տուրմանիձեի համար, ում առջև ավելի քան ռեալ սկսեց շողշողալ արծաթե մեդալը։ Ցավոք երկամարտում արծաթե մեդալի համար նրա հետ չէր կարող մրցակցել մեր երկրորդ մարզիկը՝ Ռուբեն Ալեքսանյանը, ով առաջին ձևից հետո վրացուն զիջում էր նկատելիորեն։ Սակայն երկամարտից զատ կար և հրում վարժությունում մեդալ նվաճելու հնարավորությունը, ինչը մեր մարզիկը ձեռքից բաց չթողեց: հրում վարժությունում 245 կգ ծանրաձողը նրան բերեց երկրորդ, իսկ երկամարտում երրորդ տեղը՝ 440 կիլոգրամ։

Ինչ վերաբերում է Լաշա Տալախաձեին, նա հրում վարժությունում էլ աշխարհի ռեկորդ սահամանեց՝ 260 կիլոգրամ, ինչը հանրագումարում նշանակեց, որ երկամարտի գումարն էլ է աշխարհի ռեկորդ՝ 478 կիլոգրամ։