Գյումրեցի բռնցքամարտիկ Հովհաննես Բաչկովը (64 կգ) Եվրոպական երկրորդ խաղերն անցավ առանց պարտության ու հռչակվեց չեմպիոն: Եզրափակչում նրա մրցակիցը ֆրանսիացի Ումիհա Սոֆիանին էր՝ 3։2: Հիշեցնենք, որ մեր բռնցքամարտիկը պայքարը սկսել է 1/8 եզրափակչից, որտեղ 5։0 հաշվով առավելության է հասել իռլանդացի Մաքջիվերն Ջեյմսի նկատմամբ։ Քառորդ եզրափակչում նույն՝ 5։0 հաշվով հաղթել էր Հունաստանի ներկայացուցիչ Ալեքսանդրոս Ցանիկիդիսին, իսկ կիսաեզրափակչում 4։1 հաշվով առավելության էր հասել Հոլանդիայի ներկայացուցիչ Էնրիկո Լակրուզի նկատմամբ: