Ամերիկայի գավաթի խաղարկության C խմբի Չիլի-Ուրուգվայ դիմակայությունում Էդինսոն Կավանին խաղավարտի վերջին տասը րոպեում հեղինակել է գոլ, որն էլ ուրուգվայցիներին ոչ միայն բերել է հաղթանակ՝ 1։0, այլև խմբային առաջին հորիզոնականն ապահովել։ Նշենք, որ պարտությունը Չիլիի ընտրանուն չի զրկում փլեյօֆյան մասնակցությունից, քանի որ նախորդ երկու հանդիպումներում հավաքած վեց միավորը միանգամայն բավարար էր երաշխավորված ուղեգիր ունենալու համար։