Ուղիղ քսան տարի առաջ Հայաստանում տրվեց Համահայկական խաղերի մեկնարկը: Մինչ այժմ այդպիսիք եղել են վեցը: Այս տարի կկայանա յոթերորդը, ինչի կապակցությամբ էլ կառավարությունում փոխվարչապետ Տիգրան Ավինյանի գլխավորությամբ կայացել է կազմկոմիտեի նիստը: Հիմնովին պատրաստվելը ոչ միայն երկրի պատվի հարցն է, մանավանդ որ սպասվում է աննախադեպ մեծ թվով պատվիրակությունների մասնակցություն: Կազմկոմիտեի անդամները քննարկել են խաղերի կազմակերպման հետ կապված տարաբնույթ հարցեր, հստակեցրել շահագրգիռ գերատեսչությունների կողմից իրականացվող աշխատանքների շրջանակը: Համահայկական յոթերորդ խաղերն անցկացվելու են օգոստոսի 5-17-ը: Բացման հանդիսավոր արարողությունը տեղի է ունենալու Արցախի մայրաքաղաք Ստեփանակերտոմ: Ծրագրում ընդգրկված են լինելու 17 մարզաձև, որից 14-ը օլիմպիական են: