Ֆրանկոֆոնիայի այս տարվա փառատոնը բացվեց Վաշինգտոնում Ֆրանսիայի դեսպանատանը՝ Շառլ Ազնավուրին նվիրված երեկոյով:
Փառատոնում այժմ նախագահող Հայաստանի դեսպան Վարուժան Ներսեսյանը «Ամերիկայի ձայնի» հետ զրույցում խոստովանել է ՝ Ազնավուրի կերպարն իր մեջ կարողացավ մարմնավորել Ֆրանկոֆոնիայի էությունը՝ իր խորությամբ և միաժամանակ բազմազանությամբ. «Նրա ժառանգությունը շարունակելու է ապրել միլիոնավոր մարդկանց սրտերում, մարդկանց, ում ոգևորել է թե՛ նրա արվեստը և թե՛ նրա կյանքը»:

Ազնավուրի երգերը կատարող երգիչ Մաքս Քոհենը անձամբ էր ճանաչում մաեստրոյին. «Ես ծնվել էի Մարոկկոյում և մեծացել Ազնավուրի երգերի ներքո: Նա ինձ համար ողջ տիեզերք էր, և ես հպարտ եմ, որ կատարում եմ նրա երգերը: Միայն հույս ունեմ, որ սխալ չեմ կատարում»:
Նշենք, որ Ֆրանկոֆոնիայի փառատոնը Միացյալ Նահանգների մայրաքաղաքի հիմնական մշակութային փառատոններից մեկն է: Դրա շրջանակներում Վաշինգտոնի հիմնական թանգարաններում կազմակերպվում են հատուկ ցուցահանդեսներ, ներկայացումներ և կինո փառատոններ:




Աննա ԿՈՍՏԱՆՅԱՆ