Լինա Կասյանն իր ֆեյսբուքյան էջում գրում է. «Պարոն Փաշինյան , իրավացի եք, երբ հայտարարում եք, թե կոռումպացված ու ծախու պաշտոնյան տեղ չունի Արամ Մանուկյանի հայրենիքում:Բայց հանրությունն էլ պակաս իրավացի չէ, երբ պահանջում է ո՛չ սելեկցիոն արդարություն ու արդարադատություն, ինչպես նաև շեշտակիություն ու տեմպ: Թե չէ, ինչպես ասում ենՄինչև առուն ջուր գա, գորտի աչքը դուրս կգա» : Ընդսմին, Ձեր դանդաղկոտությունն ու անվճռականությունը ժողովրդական մեկ այլ ասացվածքի համար դաշտ է բացումՊղտոր ջրում ձուկ որսացողներն են շատանում»: Մինչև « Եզը պոզից չբռնեք», հանրության գործը դրական առաջընթաց չի ունենա: Տպավորոըթյուն է, թե մեր քաղաքացիների գլխին ծառացած վտանգը չեզոքացնելու նպատակով տարվել եք Էքզյուպերիի` «Փոքր քայլերի արվեստը» տիրապետելու աղոթքով, բայց Էքզյուպերիի աղոթքների ցանկից է նաև.« Դարձրու ինձ հետևողական, որպեսզի օրվա միապաղաղության մեջ ճիշտ ժամանակին կանգնեմ բացահայումների և փորձի առջև, որոնք ինձ կհուզեն»: Դուք հանձն եք առել կրելու ժողովրդի հոգսն ու այն թոթափելու պահանջը , հետևաբար,հուզվեք դրանով և գործի անցե՛ք ` առանձնացնելով անելիքները ըստ առաջնահերթության:Առաջարկում եմ վեթինգի օրինակ ծառայեն ՀՀ հինգ ղեկավարները: Սկսեք հետևյալ հաջորդականությամբ` ԼՏՊ, Ռ. Քոչարյան, Ս, Սարգսյան, Ա, Սարգսյան, Ն, Փաշինյան:Վեթինգ անցկացնող հանձնախմբում ընդրկեք հանրության մեջ վստահություն վայելող բանիմաց, անաչառ, մասնագետ ո՛չ պաշտոնյա քաղաքացիների, ինչպես և պետական պաշտոնյաների»:

Henq.am Կայքը պատասխանատվություն չի կրում նյութում եղած ուղղագրական, կետադրական, ոճական սխալների համար, ինչպես նաև` լրատվության անհավաստիության: