«Հրապարակը» գրում է ԱԺ աշխատակիցներին սպասվող նոր փորձություն մասին։ Այն է՝ ամենայն հավանականությամբ եկող ամսվանից բոլոր ուշացողների կամ աշխատանքից շուտ հեռացողների աշխատավարձից պահումներ կարվեն։ ԱԺ աշխատակազմի ղեկավար Տիգրան Գալստյանը զգուշացրել է, որ կարող են ուշանալ ընդամենը 15 րոպե, ամենաուշը առավոտյան 9։15-ին պետք է աշխատավայրում լինեն եւ հեռանան երեկոյան 6-ից հետո, եթե ոչ, պետք է զեկուցագրեր գրեն՝ հիմնավորելով պատճառները, հակառակ դեպքում պահումներ կարվեն։ Թե ինչ չափով, դեռ չեն որոշել։

Ցավոք մեզանում այդպես էլ ի վիճակի չեն հասկանալ, որ աշխատանքն աշխատանքն է, աշխատանքային ժամանակը՝ աշխատանքային ժամանակը, որ մեկը մյուսով չի կարելի փոխարինել, որ մեկը կարող ամբողջ շաբաթվա գործն անել, դիցուք, մեկ օրում կամ հաշված ժամերի ընթացքում, մյուսը դա ի վիճակի չէ անել անգամ մեկ ամսում: Արդյունքում աթոռի վրա շալվար կամ փեշ անիմաստ մաշողը կարող է համարվել բարեխիղճ աշխատող ու երկիրը մշտապես լինի այս վիճակում, իսկ արագ գործող, բանող մարդը դիտարկվել Տիգրան Գալստյանի պատկերացրած, ով տվյալ պարագայում հանդես է գալիս որպես աշխատանք կազմակերպելու անունակ մարդու հավաքական կերպար կամ շարքային վերակացու, որոնք ծաղկում ու փթթում էին ցարական ախրանկաներում:

Ամոթ է, խելքի եկեք:

Մարտին ՀՈւՐԻԽԱՆՅԱՆ