ՀՀ տնտեսական զարգացման և ներդրումների նախարարի տեղակալ Մանե Ադամյանը հանդիպել է Իռլանդիայի արտաքին գործերի դեպարտամենտի Եվրոպայի հարցերով գլխավոր քարտուղար Ռորի Մոնթգոմերին։ Քննարկվել երկկողմ հարաբերությունների օրակարգի ձևավորման շուրջ: Քննարկվել են նաև տարածաշրջանային, միջազգային գործակցության, ինչպես նաև միջազգային կազմակերպությունների շրջանակներում համագործակցությանը վերաբերող մի շարք հարցեր: Մ. Ադամյանը ներկայացրել է Հայաստանում տեղի ունեցող զարգացումները, ներկայիս իրավիճակը, ինչպես նաև իրականացվող բարեփոխումների ընթացքը։ Նշվել է, որ իրականացվող բարեփոխումներն ուղղված են հատկապես մրցակցային դաշտի բարելավմանը, կոռուպցիայի դեմ պայքարին, հակամենաշնորհային քաղաքականության ձևավորմանը, տնտեսության թափանցիկության և ներառական աճին, ներդրումային միջավայրի գրավչության բարձրացմանը։

Հատուկ նշվել է երկկողմ համագործակցության տնտեսական բաղադրիչի ամրապնդման կարևորությունը, գործարար շրջանակների համար նպաստավոր պայմանների ստեղծման անհրաժեշտությունը: Զրուցակիցներն անդրադարձել են Հայաստան-Եվրոպական միություն համագործակցությանը, այդ շրջանակում իրականացվող ծրագրերին և հարաբերությունների զարգացմանն ուղղված նախագծերին: