Իտալական «Ինտերի» գլխավոր մարզիչ Լուչանո Սպալետին անդրադառնալով վաղը «Բարսելոնի» հետ Չեմպիոնների լիգայի խմբայինի շրջանակում իր թիմի հանդիպմանը՝ խոսել է կատալոնյան ակումբի խաղաոճի շուրջ. «Գնդակին տիրապետելը դրված է նրանց գլխում, ու այդ միտքն այնտեղից չես կարող վանել: Դա նրանց ոճի մասն է դարձել երկար տարիների ընթացքում, ու նրանք գնում են իրենց համապատասխանելու ունակ ֆուտբոլիստների: «Բարսելոնի» ֆուտբոլիստը կարող է բախվել պրոբլեմների ուրիշ թիմում, բայց ոչ երբեք սեփականում: «Կամպ Նոուում» մեր խաղից առաջ ես տեսա նրանց 10-րոպեանոց նախավարժանքը: Մենք նույնիսկ հարցրինք՝ մարզադաշտում կա՞ վարժանքային դահլիճ, որտեղ կարող էինք խաղից առաջ տաքանալ, սակայն այդպիսին չկար: Ավելին, իմ խաղացողներն ասացին, որ այդ օրը «Բարսելոնի» ֆուտբոլիստները գնացել, դպրոցներից երեխաներին վերցրել, տուն են տարել, հետո նոր իրենց մեքենաներով եկել են մարզադաշտ: Եթե մենք խաղերին նախապատրաստվեինք այնպես, ինչպես նրանք, մենք կպարտվեինք 18:0 հաշվով»:

Մարտին ՀՈՒՐԻԽԱՆՅԱՆ