ԱՄՆ նախկին նախագահ Ջորջ Բուշ ավագը հիվանդանոց է տեղափոխվել Մեն նահանգում: Այս մասին հաղորդում է
CNN-ը։ Բուշ ավագը հոսպիտալացվել է կիրակի արյան ցածր ճնշման և թուլության պատճառով:

Բուշ ընտանիքի պաշտոնական ներկայացուցիչ Ջիմ ՄքԳրեթը Twitter-ի իր էջում գրել է, որ 93-ամյա նախկին նախագահը, հավանաբար, մի քանի որ կմնա հիվանդանոցում՝ հետազոտվելու համար։

«Նախկին նախագահն սթափ վիճակում է և որևէ անհանգստություն չունի», – հավելել է ՄքԳրեթը:

Հիշեցնենք, որ Բուշ ավագն անցյալ ամիս՝ կնոջ՝ Բարբարա Բուշի հուղարկավորությունից մեկ օր անց, հոսպիտալացվել էր Հյուսթոնի հիվանդանոցում, որտեղից դուրս էր գրվել մայիսի 4-ին: