Հայաստանի ազգային հավաքականի նորեկ Ժորդի Ժոաո Մոնրոյ Արարատն այցելել է Ծիծեռնակաբերդ և հարգանքի տուրք մատուցել Հայոց ցեղասպանության զոհերի հիշատակին:

22-ամյա պաշտպանը Ծիծեռնակաբերդից լուսանկար է հրապարակել «Instagram»-ի իր էջում:

Կոլումբական «Բոյակա Չիկո» ակումբում հանդես եկող ֆուտբոլիստը, ով հայկական արմատներ ունի, միացել է Հայաստանի ազգային հավաքականին և նախապատրաստվում է առաջիկա ընկերական խաղերին:

Մայիսի 29-ին և հունիսի 4-ին Ազգային հավաքականն Ավստրիայում ընկերական խաղեր կանցկացնի համապատասխանաբար Մալթայի և Մոլդովայի ընտրանիների հետ: